M'lup Russey Organization (English) child protection services none profit organization

         ការផ្លាស់ប្តូរ និងការបិទកន្លែងថែទាំលំនៅដ្ឋាន។ អង្គការម្លប់ឫស្សី បានដើរតួនាទីយ៉ាងសំខាន់ក្នុងកិច្ចសហប្រតិបត្តិការជាមួយរដ្ឋាភិបាលតាមរយៈ ក្រសួងសង្គមកិច្ច អតីតយុទ្ធជន និងយុវនីតិសម្បទា ដើម្បីផ្សាយពាណិជ្ជកម្ម និងផ្សព្វផ្សាយការអនុវត្តល្អបំផុតនៃគោលការណ៍ណែនាំថ្នាក់ជាតិ លើការរួមបញ្ចូលកុមារ ការផ្លាស់ប្តូរ មណ្ឌលថែទាំកុមារ  និងការបិទមណ្ឌលថែទាំកុមារ។ តំនាងក្រសួងសង្គមកិច្ចបាន ចូលរួមក្នុងបើកកម្មវិធី​និងថ្លែង នូវមតិយោបល់ក្នុងការផ្តល់ជាសេចក្តីណែនាំ ការលើកទឹកចិត្ត និង ការចូលរួម ចុះទស្សនៈកិច្ចផ្ទាល់ដើម្បី ជម្រុញអោយការអនុវត្តតាមនីតិវិធី នៃការធ្វើសមាហរណកម្ម និងការថែទាំក្នុងសហគមន៍អោយកាន់តែត្រឹមត្រូវ និង ឆ្លើយតបទៅនឹងឧត្តមប្រយោជន៍កុមារ។ អនុប្រធាននាយកដ្ឋានការពារកុមារ លោក សុត ចាន់វណ្ណៈ បានចូលរួម និងថ្លែងសុន្ទរកថាដ៏គួរឱ្យចាប់អារម្មណ៍របស់លោក។ សុន្ទរកថារបស់ តំនាងក្រសួងសង្គមកិច្ច អតីតយុទ្ធជន និងយុវនីតិសម្បទា និង នាយកមណ្ឌលថែទាំកុមារ        នៅក្នុងផែនការនេះមានសកម្មភាព​ជាយុទ្ធសាស្ត្រមួយក្នុងចំណោម​​សកម្មភាព​ជា​យុទ្ធសាស្ត្រនានា គឺ “រៀបចំនិងអនុវត្ត​គោល​ការណ៍ណែនាំ កម្មវិធី និងនីតិវិធីសមាហរណកម្មកុមារ បង្វែរកន្លែងថែទាំ និងបិទកន្លែងថែទាំកុមារ”។ ក្រសួង ស.អ.យ សូមថ្លែងអំណរគុណយ៉ាងជ្រាលជ្រៅចំពោះភាគីពាក់ព័ន្ធទាំងអស់ដែលបានរួមចំណែក ក្នុងការផ្តល់សេវាថែទាំជំនួសចំពោះកុមារ និងបានធ្វើការបង្វែរការថែទាំនេះទៅក្នុងសហគមន៍។ សូមថ្លែងអំណរគុណជាពិសេសសម្រាប់អង្គការម្លប់ឫស្សី ដែលបានចូលរួមសហការ បានគាំទ្រក្នុងការតាក់តែង និងគ្រប់ដំណើរការនៃការរៀបចំគោលការណ៍ណែនាំនេះប្រកបដោយជោគជ័យ។ និងបានគាំទ្រតាមរយៈជួយផ្នែកបច្ចេកទេស ផ្តល់សេវា ទៅកាន់ នាយក មណ្ឌលថែទាំកុមារ, យុវជន …

“បរិស្ថានស្អាត ត្រូវផ្តើមចេញពីយើងគ្រប់គ្នា” គឺជាប្រធានបទដែលម្លប់ឫស្សីប្រើសំរាប់ប្រារព្ធទិវាបរិស្ថានជាតិ នៅការិយាល័យកណ្តាលរបស់ខ្លួន នាថ្ងៃទី១៥មិថុនា ឆ្នាំ២០២២ ក្រោយអធិបតីភាពលោក អ៊ុម ហ៊ុយឈុនហេង តំណាងចៅសង្កាត់បឹងទំពន់២ ក្រោមគោលបំណងសំខាន់ៗពីរ ១លើកកំពស់ការចូលរួមរបស់ប្រជាពលរដ្ឋក្នុងសហគមន៍ក្នុងការថែរក្សាបរិស្ថាន តាមរយៈការបែងចែកនិងទុកដាក់សំរាមអោយបានត្រឹមត្រូវ ២ ផ្សព្វផ្សាយនិងបញ្ជ្រាបចំនេះដឹងទៅកាន់អជ្ញាធតំបន់និងប្រជាពលរដ្ឋពីការងាររបស់ម្លប់ឫស្សីទាក់ទង និងសារៈសំខាន់របស់គ្រួសារសំរាប់កុមារ និងការទប់ស្កាត់ការបែកចេញពីគ្រួសាររបស់កុមារ ។ កម្មវិធីនេះក៏មានការចូលរួមពីអជ្ញាធរសង្កាត់សំខាន់ក្នុងវិស័យបរិស្ថាន និងកិច្ចការពារកុមារនិងស្រ្តី ព្រមទាំងប្រជាពលរដ្ឋជិតខាងរបស់ម្លប់ឫស្សីផងដែរ ។

កាលពីថ្ងៃទី២០ ខែធ្នូ ឆ្នាំ២០២១ អង្គការម្លប់ឫស្សីបានប្រារព្ធពិធីសន្និបាតបូកសរុបលទ្ធផលប្រចាំឆ្នាំ២០២១និងលើកទិសដៅបន្ត ក្នុងឆ្នាំ២០២២ ដល់ ឆ្នាំ២០២៤ (សម្រាប់រយៈពេល៣ឆ្នាំ) នៅសណ្ឋាគារភ្នំពេញអេរ៉ា ក្នុងគោលដៅ បង្ហាញពីលទ្ធផលការអនុវត្តកម្មវិធីទាំងអស់របស់អង្គការម្លប់ឫស្សី  និងជាឱកាសឲ្យអ្នកពាក់ព័ន្ធបានដឹងពីការរីកចម្រើនរបស់គម្រោង ក៏ដូចជាការផ្លាស់ប្តូររចនាសម្ព័ន្ធនៃថ្នាក់ដឹកនាំ បន្ថែមគោលនយោបាយ លក្ខន្តិកៈ របស់អង្គភាពមួយចំនួន ដើម្បីការកែលម្អស្ថាប័ន និងពង្រឹងកិច្ចសហប្រតិបត្តិការជាមួយដៃគូពាក់ព័ន្ធ ក្នុងការចូលរួមបន្តការគាំទ្រ កម្មវិធីរបស់អង្គការម្លប់ឫស្សីអោយកាន់តែមានប្រសិទ្ធភាព-គុណភាពនៃកិច្ចការងារ និងផែនការយុទ្ធសាស្រ្តនៅឆ្នាំបន្ទាប់។

CWN Sector សហការ និងចូលរួម ជាមួយ ក្រសួង ស.អ.យ អាជ្ញាធរថ្នាក់ស្រុក និងអាជ្ញធមូលដ្ឋានក្នុង ស្រុកថ្មគោល ស្រុក បវេល ​ខេត្តបាត់ដំបងចាប់ពីថ្ងៃទី២៥ ដល់ថ្ងៃទី២៧ ខែ វិច្ឆិការ ឆ្នាំ២០២១ ក្នុងការផ្តល់សេវាឆ្លើយតប និងគាំទ្រ នូវស្បៀងអាហារបន្ទាន់ ចំនួន១០២  កញ្ចប់ មានអង្ក ទឹកត្រី ទឹកស៊ីអ៊ីវ ប្រេងឆា មី ត្រីខកំប៉ុង អំបិល​ ស្កសរ  និងសម្ភារៈសិក្សា ១៥០ កញ្ចប់ មាន​ ការតាប សៀវភៅ ប៊ិច ជួយដល់កុមាររងគ្រោះ និងងាយរងគ្រោះ ក្នុងគ្រួសារក្រីក្រ ដែលបានរងផលប៉ះពាល់ដោយសារគ្រោះមហន្តរាយ​ទឹកជំនន់កន្លងមក​ ។

ថ្ងៃច័ន្ទទី១៥ ខែវិច្ឆិកា ឆ្នាំ២០២១ ឃុំតានី ស្រុកអង្គជ័យ ខេត្តកំព៖  អង្គការម្លប់ឫស្សីបានរៀបចំកម្មវិធីទស្សនៈកិច្ចសិក្សាដើម្បីចែករំលែកបទពិសោធន៍ស្ដីពី ការបង្វែពីការថែទាំជំនួសនៅក្នុងមណ្ឌល ទៅជាការថែទាំជំនួសក្នុងសហគមន៍វិញ ដោយមានការចូលរួមពី តំណាងក្រសួងសង្គមកិច្ច មន្ទីរសង្គមកិច្ចខេត្ត អាជ្ញាធរឃុំស្រុក មណ្ឌលដៃគូររបស់អង្គការម្លប់ឫស្សី ក្រុមស្មគ្រចិត្តក្នុងសហគមន៍ និងក្រុមយុវជនដែលចាកចេញពីមណ្ឌលថែទាំ។​ តាមរយៈទស្សនៈកិច្ចសិក្សានេះ អ្នកចូលរួមទាំងអស់មានឱកាសចុះសួរសុខទុក្ខក្រុមគ្រួសារកុមារដែលបានធ្វើសមាហរណកម្មដោយផ្ទាល់ ព្រមទាំងទទួលបានបទពិសោធន៍ស្ដីពីការធ្វើសមាហរណ៍កម្មកុមារ និងសេវាគាំទ្រកុមារនៅក្នុងសហគមន៍ប្រកបដោយប្រសិទ្ធភាព។ បន្ទាប់ពីទស្សនៈកិច្ចសិក្សាមក ថ្ងៃអង្គារទី១៦ខែវិច្ឆិការ ២០២១ អង្គការម្លប់ឫស្សីបានរៀបចំកម្មវិធី​ ប្រជុំដើម្បី បញ្ជ្រាបការអនុវត្តន៍ប្រព័ន្ធកិច្ចការការពារកុមារថ្នាក់ជាតិ ថ្នាក់ក្រោមជាតិ និងការថែទាំជំនួសចំពោះកុមារក្នុងសហគមន៍ នៅ ក្រុងកំពត។ សិក្ខាកាមទាំងអស់មានឱកាសទទួលបាននូវចំណេះដឹងថ្មីលើកិច្ចការពាកុមារ និងការថែទាំកុមារក្នុងសហគមន៍ ពីតំណាងក្រសួងសង្គមកិច្ច។

ក្នុងនាមបុគ្គលិកម្លប់ឫស្សីទាំងអស់សូមថ្លែងអំណរគុណដ៍ជ្រៀលជ្រៅដោយស្មោះសចំពោះ បងស្រី Sharron Catton និង បងស្រី Gillian Bird អ្នកទាំងពីរគឺជាផ្នែកកណ្តាលនៃក្រុមការងាររបស់យើង នៅក្នុងអង្គការម្លប់ឫស្សី ដែលជាដៃគូសហការដ៍ល្អជាអ្នកគាំទ្រ ជាអ្នកណែនាំ និង ជាទីប្រក្សាដែលមានជំនាញចំណេះដឹង រួមទាំងបទពិសោធន៍កដោយយកចិត្តទុកដាក់និងផ្តល់សេចក្តីស្រលាញ់ ។ អង្គការម្លប់ឫស្សីមិនអាចរៀបរាប់អស់នូវពាក្យអរគុណគ្រប់យ៉ាងដល់អ្នកទាំងពីរអស់នោះទេ សម្រាប់សេចក្តីស្រឡាញ់ការគាំទ្រដោយគ្មានលក្ខខណ្ឌនិងជាពិសេសមិនត្រឹមតែជាទីប្រឹក្សារបស់យើងប៉ុណ្ណោះទេ ថែមទាំងអ្នកទាំងពីរដូចជាម្តាយចំពោះយើងទាំងអស់គ្នាដែរ ។ យើងមានកាតព្វកិច្ចយ៉ាងជ្រាលជ្រៅហើយយើងសូមកោតសរសើរចំពោះវត្តមានរបស់អ្នកដោយមិនគិតពីពេលវេលា សូមអរគុណចំពោះអ្វីៗគ្រប់យ៉ាងដែលអ្នកបានរួមចំណែកក្នុងរយៈពេលប៉ុន្មានឆ្នាំចុងក្រោយនេះ។ លើសពីនេះទៅទៀតអ្នកទាំងពីរបានរួមចំណែកនាំមកនូវផលវិជ្ជមានគួរឱ្យភ្ញាក់ផ្អើលនៅក្នុងជីវិតរបស់កុមារកំព្រានិងកុមារងាយរងគ្រោះជាច្រើននិងគ្រួសាររបស់ពួកគេ។ អង្គការម្លប់ឫស្សីទន្ទឹងរង់ចាំធ្វើការរួមគ្នាជាមួយអ្នកទាំងពីរប្រសិនបើ MRO មានឱកាសច្រើនជាងនេះនាពេលអនាគតសូមចូលរួមផ្តល់កម្លាំងដល់ពួកយើងដើម្បីលើកតម្កើងសិរីរុងរឿងរបស់ព្រះអម្ចាស់និងសរសើរព្រះនាមរបស់ទ្រង់តាមរយៈការផ្លាស់ប្តូរជីវិតរបស់កុមារកំព្រានិងកុមារងាយរងគ្រោះនៅកម្ពុជា។ យើងមិនភ្លេចនូវពេលវេលារបស់អ្នកទាំងពីរបានចូលរួមចំណែកជាមួយយើងឡើយ​ ៕

កិច្ចប្រជុំគណៈកម្មការបណ្តាញយុវជនដែលចាកចេញពីមណ្ឌល ដែលមានឈ្មោះថា គណៈកម្មការស្នូល គាំទ្រការអភិវឌ្ឍយុវជន (Youth Support Development) ហៅកាត់ថា គ.យ.អ. ដោយធ្វើឡើងក្នុងគោលបំណងរៀបចំផែនការក្នុងការចែករំលែកចំណេះដឹង និងបទពិសោធទៅដល់ យុវជនក្នុងមណ្ឌលថែទាំ ដែលត្រៀមខ្លួនសមាហរណកម្មទៅរស់នៅក្នុងសហគមន៍។   នៅថ្ងៃទី៧ មិថុនា ឆ្នាំ​២០២១ សមាជិកគណៈកម្មការស្នូលបណ្តាញយុវជនដែលចាកចេញខេត្តបាត់ដំបង បានប្រជុំពិភាក្សា និងចែកចាយចំណេះដឹងជាការហាត់សមមុនពេលចែករំលែកទៅដល់យុវជនក្នុងមណ្ឌលថែទាំ​ ក្រោមប្រធានបទ៖ “រៀបចំផែនការជីវិតដោយដៃរបស់អ្នក” ក្រោមការសម្របសម្រួលរបស់ យុវតី សាធា សុខា ដែលជា ប្រធានគណៈកម្មការស្នូល បណ្តាញយុវជនដែលចាកចេញ។   នៅក្នុងថ្ងៃនេះដែរ យុវជន ហុង ប៊ុនលី ដែលជាសមាជិកគណៈកម្មការស្នូល       បណ្តាញយុវជនដែលចាកចេញ បានធ្វើបទបង្ហាញពី វិធីសាស្រ្តចែករំលែកចំណេះដឹងទៅកាន់យុវជន ក្នុងមណ្ឌលថែទាំ និងក្នុងសហគមន៍តាមរយៈ ការបង្កើត ហ្វេសប៊ុកផេក និងតាមប្រព័ន្ធវេបសាយ។   កម្មវិធីបណ្តាញយុវជនចាកចេញជួយដល់យុវជនក្នុងមណ្ឌល (Careleaver Help YAO) សកម្មភាពគណៈកម្មការបណ្តាញយុវជនដែលចាកចេញពីមណ្ឌល (គ.យ.អ) បានសហការជាមួយ កម្មវិធីគាំទ្រយុវជនក្នុងមណ្ឌល បានបង្កើតនូវកិច្ចប្រជុំមួយសម្រាប់ប្រធានក្លឹបយុវជនក្នុងមណ្ឌល កុមារកំព្រាបាត់ដំបង១ នៅរសៀលថ្ងៃទី៧ ខែមិថុនា ឆ្នាំ២០២១ ដោយមានអ្នកចូលរួមចំនួន ១៤នាក់ ដែលមានស្រីចំនួន …

នៅថ្ងៃទី២៣ ដល់ថ្ងៃ២៦ ខែឧសភា ឆ្នាំ២០២១ គម្រោងបណ្តាញសុខុមាលភាពកុមារ (CWN Sector) របស់អង្គការម្លប់ឫស្សី និងមន្ទីរស.អ.យ ខេត្តសៀមរាបបានធ្វើការសហការណ៍ ចុះអន្តរាគមន៍ករណីកុមាររងគ្រោះ និងងាយរងគ្រោះ ពីការទទួលរងនូវអំពើហិង្សា ការកេងប្រវ័ញ្ចរំលោភបំពានផ្លូវភេទ​ និងទំនាស់នឹងច្បាប់ ព្រមទាំងកំពុងជួបការលំបាកខ្វះខាតស្បៀងអាហារក្នុងអំឡុងពេល នៃការរីករាល​ដាលជំងឺកូវីដ១៩ បានចំនួន ១០គ្រួសារ នៅក្នុងក្រុងសៀមរាបចំនួន ៣គ្រួសារ ស្រុកពួកចំនួន ៣គ្រួសារ ស្រុកប្រាសាទបាគង ២គ្រួសារ និងស្រុកអង្គរធំ ២គ្រួសារ ក្នុងនោះមានកុមារ ៤០នាក់ ស្រី១៧នាក់។ បានជួយគាំទ្រស្បៀងអាហារដល់គ្រួសារ ក្នុងមួយគ្រួសារៗ ទទួលបាន​អង្ករចំនួន ៥០គីឡូក្រាម មីម៉ាម៉ាចំនូន ១កេស ទឹកត្រីចំនួន ១យួរ ទឹកស៊ីអ៊ីវចំនួន ១យួរ ត្រីខចំនួន ១យួរ ប្រេងឆា ១ដប សាប៊ូដុសខ្លួនចំនួន ៦ដុំ អំបិលចំនួន ១គីឡូក្រាម ស្ករសចំនួន ១គីឡូក្រាម ដើម្បីរក្សាពួកគេបន្តរស់នៅជាមួយគ្រួសារសាច់ញាតិរបស់គេ។

គម្រោងបណ្តាញសុខុមាលភាពកុមារ បានធ្វើការសហការពីចម្ងាយជាមួយមន្ទីរ ស.អ.យ ខេត្តពោធិ៍សាត់ និងអាជ្ញាធរ មូលដ្ឋាន គ.ក.ន.ក ឃុំ តាមប្រព័ន្ធ​ Online ក្នុងអំឡុងពេលនៃការរីករាលដាលនៃជំងឺកូវីដ១៩ និងការបិទខ្ទប់ នៅរាជធានីភ្នំពេញ និងក្រុងតាខ្មៅ ខេត្តកណ្តាល​ ។ នៅថ្ងៃទី១៨ ខែឧសភា ឆ្នាំ២០២១ មានករណីកុមាររងគ្រោះ ពីការរំលោភបំពានផ្លូវភេទ មួយករណី។ មន្ត្រីបង្គោលខេត្តពោធិ៍សាត់ បានចុះអន្តរាគមន៍ដោះសា្រយយកកុមារទៅពិនិត្យសុខភាពនៅមន្ទីរពេទ្យ និងអាជ្ញាធរមានសមត្ថកិច្ច កសាងសំណុំរឿងចាប់បញ្ជូនជនសង្ស័យទៅតុលាការ បន្ទាប់មកចុះប៉ាន់ប្រមាណកុមារដល់លំនៅដ្ឋានគ្រួសារ ជាមួយគ្នានោះដែរ នាងចង់រស់នៅជាមួយគ្រួសារ តែគ្រួសារជីវភាពខ្វះខាត ក្រុមការងារសម្រេចទុកដាក់ជាមួយគ្រួសារបណ្តោះអាសន្ន ។​ នៅថ្ងៃទី១៩​ ខែឧសភា ឆ្នាំ២០២១ មន្ត្រីបង្គោលខេត្តពោធិ៍សាត់ និងអាជ្ញាធរមូលដ្ឋានបានចុះប៉ាន់ប្រមាណកុមាររងគ្រោះ និងងាយរងគ្រោះចំនួន ១១នាក់​ និងស្រី៥នាក់ ក្នុងចំណោមបីគ្រួសារ ដែលកំពុងខ្វះខាតស្បៀងអាហារ និងសម្ភារៈអនាម័យ មួយចំនួន ដោយឪពុកម្តាយរបស់គេគ្មានការងារធ្វើមិនមានប្រាក់ចំណូល ទើបពួកគេមានបញ្ហាបែបនេះ ពួកគេបានអំពាវនាវអោយអាជ្ញាធរមូលដ្ឋានជួយផ្តល់សេវា តម្រូវការចាំបាច់ក្នុងជីវភាពរស់នៅប្រចាំថ្ងៃដល់ពួកគេ។   នៅថ្ងៃទី២៥ ខែឧសភា ឆ្នាំ២០២១ អង្គការម្លប់ឫស្សីបានចូលរួមជួយគាំទ្រកញ្ចប់សេវាស្បៀងអាហារ និងសម្ភារៈអនាម័យបន្ទាន់ដល់កុមារ១៥នាក់​ ស្រី៧នាក់ ក្នុងចំណោមបួនគ្រួសារខាងលើ ក្នុងមួយគ្រួសារទទួលបាននូវ ស្បៀងអាហារ អង្ករ ប្រេងឆា …