ព័តមាន

សូមថ្លែងអំណរគុណដ៍ជ្រៀលជ្រៅដោយស្មោះសចំពោះ បងស្រី Sharron Catton និង បងស្រី Gillian Bird

ក្នុងនាមបុគ្គលិកម្លប់ឫស្សីទាំងអស់សូមថ្លែងអំណរគុណដ៍ជ្រៀលជ្រៅដោយស្មោះសចំពោះ បងស្រី Sharron Catton និង បងស្រី Gillian Bird អ្នកទាំងពីរគឺជាផ្នែកកណ្តាលនៃក្រុមការងាររបស់យើង នៅក្នុងអង្គការម្លប់ឫស្សី ដែលជាដៃគូសហការដ៍ល្អជាអ្នកគាំទ្រ ជាអ្នកណែនាំ និង ជាទីប្រក្សាដែលមានជំនាញចំណេះដឹង រួមទាំងបទពិសោធន៍កដោយយកចិត្តទុកដាក់និងផ្តល់សេចក្តីស្រលាញ់ ។ អង្គការម្លប់ឫស្សីមិនអាចរៀបរាប់អស់នូវពាក្យអរគុណគ្រប់យ៉ាងដល់អ្នកទាំងពីរអស់នោះទេ សម្រាប់សេចក្តីស្រឡាញ់ការគាំទ្រដោយគ្មានលក្ខខណ្ឌនិងជាពិសេសមិនត្រឹមតែជាទីប្រឹក្សារបស់យើងប៉ុណ្ណោះទេ ថែមទាំងអ្នកទាំងពីរដូចជាម្តាយចំពោះយើងទាំងអស់គ្នាដែរ ។ យើងមានកាតព្វកិច្ចយ៉ាងជ្រាលជ្រៅហើយយើងសូមកោតសរសើរចំពោះវត្តមានរបស់អ្នកដោយមិនគិតពីពេលវេលា សូមអរគុណចំពោះអ្វីៗគ្រប់យ៉ាងដែលអ្នកបានរួមចំណែកក្នុងរយៈពេលប៉ុន្មានឆ្នាំចុងក្រោយនេះ។ លើសពីនេះទៅទៀតអ្នកទាំងពីរបានរួមចំណែកនាំមកនូវផលវិជ្ជមានគួរឱ្យភ្ញាក់ផ្អើលនៅក្នុងជីវិតរបស់កុមារកំព្រានិងកុមារងាយរងគ្រោះជាច្រើននិងគ្រួសាររបស់ពួកគេ។ អង្គការម្លប់ឫស្សីទន្ទឹងរង់ចាំធ្វើការរួមគ្នាជាមួយអ្នកទាំងពីរប្រសិនបើ MRO មានឱកាសច្រើនជាងនេះនាពេលអនាគតសូមចូលរួមផ្តល់កម្លាំងដល់ពួកយើងដើម្បីលើកតម្កើងសិរីរុងរឿងរបស់ព្រះអម្ចាស់និងសរសើរព្រះនាមរបស់ទ្រង់តាមរយៈការផ្លាស់ប្តូរជីវិតរបស់កុមារកំព្រានិងកុមារងាយរងគ្រោះនៅកម្ពុជា។ យើងមិនភ្លេចនូវពេលវេលារបស់អ្នកទាំងពីរបានចូលរួមចំណែកជាមួយយើងឡើយ​ ៕

Read More »

គម្រោងគាំទ្រយុវជន-កម្មវិធីគាំទ្របណ្តាញយុវជនចាកចេញ

កិច្ចប្រជុំគណៈកម្មការបណ្តាញយុវជនដែលចាកចេញពីមណ្ឌល ដែលមានឈ្មោះថា គណៈកម្មការស្នូល គាំទ្រការអភិវឌ្ឍយុវជន (Youth Support Development) ហៅកាត់ថា គ.យ.អ. ដោយធ្វើឡើងក្នុងគោលបំណងរៀបចំផែនការក្នុងការចែករំលែកចំណេះដឹង និងបទពិសោធទៅដល់ យុវជនក្នុងមណ្ឌលថែទាំ ដែលត្រៀមខ្លួនសមាហរណកម្មទៅរស់នៅក្នុងសហគមន៍។   នៅថ្ងៃទី៧ មិថុនា ឆ្នាំ​២០២១ សមាជិកគណៈកម្មការស្នូលបណ្តាញយុវជនដែលចាកចេញខេត្តបាត់ដំបង បានប្រជុំពិភាក្សា និងចែកចាយចំណេះដឹងជាការហាត់សមមុនពេលចែករំលែកទៅដល់យុវជនក្នុងមណ្ឌលថែទាំ​ ក្រោមប្រធានបទ៖ “រៀបចំផែនការជីវិតដោយដៃរបស់អ្នក” ក្រោមការសម្របសម្រួលរបស់ យុវតី សាធា សុខា ដែលជា ប្រធានគណៈកម្មការស្នូល បណ្តាញយុវជនដែលចាកចេញ។   នៅក្នុងថ្ងៃនេះដែរ យុវជន ហុង ប៊ុនលី ដែលជាសមាជិកគណៈកម្មការស្នូល       បណ្តាញយុវជនដែលចាកចេញ បានធ្វើបទបង្ហាញពី វិធីសាស្រ្តចែករំលែកចំណេះដឹងទៅកាន់យុវជន ក្នុងមណ្ឌលថែទាំ និងក្នុងសហគមន៍តាមរយៈ ការបង្កើត ហ្វេសប៊ុកផេក និងតាមប្រព័ន្ធវេបសាយ។   កម្មវិធីបណ្តាញយុវជនចាកចេញជួយដល់យុវជនក្នុងមណ្ឌល (Careleaver Help YAO) សកម្មភាពគណៈកម្មការបណ្តាញយុវជនដែលចាកចេញពីមណ្ឌល (គ.យ.អ) បានសហការជាមួយ កម្មវិធីគាំទ្រយុវជនក្នុងមណ្ឌល បានបង្កើតនូវកិច្ចប្រជុំមួយសម្រាប់ប្រធានក្លឹបយុវជនក្នុងមណ្ឌល កុមារកំព្រាបាត់ដំបង១ នៅរសៀលថ្ងៃទី៧ ខែមិថុនា ឆ្នាំ២០២១ ដោយមានអ្នកចូលរួមចំនួន ១៤នាក់ ដែលមានស្រីចំនួន …

Read More »

អន្តរាគមន៍ដោះស្រាយករណីកុមាររងគ្រោះ និងងាយរងគ្រោះនៅក្នុងសហគមន៍បន្ទាន់

គម្រោងបណ្តាញសុខុមាលភាពកុមារ បានធ្វើការសហការពីចម្ងាយជាមួយមន្ទីរ ស.អ.យ ខេត្តពោធិ៍សាត់ និងអាជ្ញាធរ មូលដ្ឋាន គ.ក.ន.ក ឃុំ តាមប្រព័ន្ធ​ Online ក្នុងអំឡុងពេលនៃការរីករាលដាលនៃជំងឺកូវីដ១៩ និងការបិទខ្ទប់ នៅរាជធានីភ្នំពេញ និងក្រុងតាខ្មៅ ខេត្តកណ្តាល​ ។ នៅថ្ងៃទី១៨ ខែឧសភា ឆ្នាំ២០២១ មានករណីកុមាររងគ្រោះ ពីការរំលោភបំពានផ្លូវភេទ មួយករណី។ មន្ត្រីបង្គោលខេត្តពោធិ៍សាត់ បានចុះអន្តរាគមន៍ដោះសា្រយយកកុមារទៅពិនិត្យសុខភាពនៅមន្ទីរពេទ្យ និងអាជ្ញាធរមានសមត្ថកិច្ច កសាងសំណុំរឿងចាប់បញ្ជូនជនសង្ស័យទៅតុលាការ បន្ទាប់មកចុះប៉ាន់ប្រមាណកុមារដល់លំនៅដ្ឋានគ្រួសារ ជាមួយគ្នានោះដែរ នាងចង់រស់នៅជាមួយគ្រួសារ តែគ្រួសារជីវភាពខ្វះខាត ក្រុមការងារសម្រេចទុកដាក់ជាមួយគ្រួសារបណ្តោះអាសន្ន ។​ នៅថ្ងៃទី១៩​ ខែឧសភា ឆ្នាំ២០២១ មន្ត្រីបង្គោលខេត្តពោធិ៍សាត់ និងអាជ្ញាធរមូលដ្ឋានបានចុះប៉ាន់ប្រមាណកុមាររងគ្រោះ និងងាយរងគ្រោះចំនួន ១១នាក់​ និងស្រី៥នាក់ ក្នុងចំណោមបីគ្រួសារ ដែលកំពុងខ្វះខាតស្បៀងអាហារ និងសម្ភារៈអនាម័យ មួយចំនួន ដោយឪពុកម្តាយរបស់គេគ្មានការងារធ្វើមិនមានប្រាក់ចំណូល ទើបពួកគេមានបញ្ហាបែបនេះ ពួកគេបានអំពាវនាវអោយអាជ្ញាធរមូលដ្ឋានជួយផ្តល់សេវា តម្រូវការចាំបាច់ក្នុងជីវភាពរស់នៅប្រចាំថ្ងៃដល់ពួកគេ។   នៅថ្ងៃទី២៥ ខែឧសភា ឆ្នាំ២០២១ អង្គការម្លប់ឫស្សីបានចូលរួមជួយគាំទ្រកញ្ចប់សេវាស្បៀងអាហារ និងសម្ភារៈអនាម័យបន្ទាន់ដល់កុមារ១៥នាក់​ ស្រី៧នាក់ ក្នុងចំណោមបួនគ្រួសារខាងលើ ក្នុងមួយគ្រួសារទទួលបាននូវ ស្បៀងអាហារ អង្ករ ប្រេងឆា …

Read More »

ចូលរួមចំណែកផ្តល់កញ្ចប់ជាស្បៀងអាហារសំរាប់សង្គ្រោះបន្ទាន់ដល់កុមារចំនួន២២នាក់

គម្រោងគាំទ្រយុវជន នៃអង្គការម្លប់ឫស្សី ដោយមានការសម្របសម្រួលផ្ទាល់ពីលោកនាយកប្រតិបត្តិ បានសហការជាមួយអ្នកសម្របសម្រួលកម្មវិធីគាំទ្រអង្គការដៃគូ នៅព្រឹកថ្ងៃព្រហស្បតិ៍ ទី២៩ ខែមេសា ឆ្នាំ២០២១ បានរួមចំណែកផ្តល់ស្បៀងអាហារដល់កុមារចំនួន ២២នាក់ ដែលស្ថិតនៅក្នុងអង្គការមិត្តភាពកុមារកម្ពុជា និងកុមារអន្តរជាតិ (អាសយដ្ឋាននៅសង្កាត់ភ្នំពេញថ្មី) ដែលកំពុងជួបបញ្ហាខ្វះខាត ថែមទាំងលំបាកក្នុងការស្វែងរកចំណីអាហារផ្គត់ផ្គង់ដល់កុមារប្រចាំថ្ងៃបន្ទាន់។ ជាការឆ្លើយតបក្នុងអំឡុងពេលស្ថានភាពបិទខ្ចប់នេះ យើងទាំងអស់គ្នាបានចូលរួមគាំទ្រ និងគោរពតាមគោលការណ៍ណែនាំរបស់រាជរដ្ឋាភិបាល និងក្រសួងសុខាភិបាលទាំងស្រុងគឺ ៣កុំ ៣ការពារ។ អង្គការម្លប់ឫស្សី បាននឹងកំពុងយកចិត្តទុកដាក់ខ្ពស់អំពីកិច្ចសហប្រតិបត្តិការល្អ និងជាការចូលរួមចំណែកក្នុងកិច្ចការពារកុមារពីហានិភ័យ ឬបញ្ហាដែលប្រឈមនានា ដែលអាចនឹងកើតឡើងដោយសារតែយើងកំពុងស្ថិតនៅក្នុងកំឡុងពេលជំងឺកូវីដ១៩ រាតត្បាតដ៏សាហាវនេះ។

Read More »

ករណីអន្តរាគមន៍កុមាររងគ្រោះ និងងាយរងគ្រោះខេត្តតាកែវ និង ខេត្តពោធិ៍សាត់

គម្រោងគាំទ្របណ្តាញសុខុមាលភាពកុមារ នៃអង្គការម្លប់ឫស្សី (MRO-Child Welfare Net Work Sector) (១) កុមារីដ៏កំសត់គ្មានទីពឹង ក្នុងអំឡុងពេលការរីករាលដាលនៃជម្ងឺកូវីដ១៩ នៅថ្ងៃទី២៧ ខែមេសា ឆ្នាំ២០២១ មន្ត្រីបង្គោលខេត្តពោធិ៍សាត់បានចុះអន្តរាគមន៍ ជួយដល់កុមារី ដែលកំព្រាឪពុកម្តាយពួកគាត់បានស្លាប់ដោយសារមេរោគអេដស៍ ជំងឺអេដស៍ នាងរស់នៅឯកោ គ្មានទីជម្រក គ្មានអ្នកថែទាំ ដោយមានការចូលរួមពីប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តពោធិ៍សាត់ មេភូមិស្ពានថ្ម គ.ក.ន.ក. សង្កាត់ រលាប បានសម្រេច ទុកដាក់រក្សាកុមារអោយរស់នៅជាមួយមេភូមិបណ្តោះអាសន្ន ដោយរងចាំការអនុវត្តនីតិវិធី ការទុកដាក់កុមារតាមការថែទាំជំនួសបន្ត។ (២)នៅថ្ងៃដដែល ខេត្តតាកែវ ក្នុងថ្ងៃដដែលមន្ត្រីបង្គោលខេត្តបានសហការជាមួយ គ.ក.ន.ក. ឃុំចំបក់ ស្រុកបាទី ចុះអន្តរាគមន៍ ជួយសង្គ្រោះកុមាររងគ្រោះ និងងាយរងគ្រោះចំនួន៦នាក់ ស្រី៣នាក់ ក្នុងចំណោមចំនួន២គ្រួសារ ដែលកំពុងប្រឈមនឹងកង្វះស្បៀងអាហារ និងត្រូវការជំនួយស្បៀងអាហារចាំបាច់បន្ទាន់។ គម្រោងគាំទ្របណ្តាញសុខុមាលភាពកុមារ នៃអង្គការម្លប់ឫស្សី បានចូលរួមសហការនិងសម្របសម្រួលពីចម្ងាយតាម (online) និងគាំទ្រស្បៀងអាហារ សម្ភារៈអនាម័យ សម្ភារៈដំណេក ក្នុងការជួយគាំទ្រសេវាថែទាំកុមារ សមស្របដោយមានការយកចិត្តទុកដាក់ពីអាជ្ញាធរមូលដ្ឋាន។

Read More »

សកម្មភាពចុះឧបត្ថម្ភកញ្ចប់អាហារបន្ទាន់ដល់កុមារក្នុងកំឡុងពេលបិទខ្ទប់នៃជំងឺ កូវីដ១៩

ថ្ងៃសុក្រ ១២កើត ខែពិសាខ ឆ្នាំឆ្លូវ ត្រីស័ក ព.ស. ២៥៦៤ ត្រូវនឹងថ្ងៃទី២៣ ខែមេសា ឆ្នាំ២០២១ ក្នុងស្ថានភាពជំងឺកូវីដ១៩ កំពុងតែរីករាលដាល ក៏បុគ្គលិកគាំទ្រយុវជន នៃអង្គការម្លប់ឫស្សី នៅតែបន្តការចូលរួមចំណែកផ្តល់សេវាកិច្ចការពារកុមារ និងចុះឧបត្ថម្ភកញ្ចប់អាហារបន្ទាន់ដល់កុមារចំនួន ២៥នាក់ ដែលកំពុងស្នាក់នៅមណ្ឌលដៃគូមួយក្នុងទីក្រុងភ្នំពេញដែលកំពុងជួបការលំបាក កង្វះស្បៀងកំឡុងពេលបិទខ្ទប់ និងការរីករាលដាលនៃជំងឺកូវីដ១៩។ ដើម្បីឆ្លើយតបនូ​វសុខសុវត្ថិភាពរបស់កុមារ បុគ្គលិកអង្គការម្លប់ឫស្សីក៏បានចូលរួមសហការណ៍ និងអនុវត្តន៍សេចក្តីណែនាំ របស់រាជរដ្ឋាភិបាលយ៉ាងខ្ចាប់ខ្ជួនគឺ បីកុំ បីការពារ កំឡុងពេលនៃការរីករាលដាលជំងឹនេះ។

Read More »

បុគ្គលិកសង្គមបានសម្របសម្រួលផ្ដល់កញ្ចប់អាហារដល់កុមារក្នុងអំឡុងពេល នៃការបិទខ្ទប់

នាថ្ងៃទី២១ ខែមេសា ឆ្នាំ២០២១ បុគ្គលិកសង្គមបានសម្របសម្រួលផ្ដល់កញ្ចប់អាហារចំនួនមួយកញ្ចប់ ដែលក្នុងនោះមានដូចជា៖ អង្ករ២៥គីឡូក្រាម មី១កេស ត្រីខ១០កំប៉ុង ប្រេងឆា១ដប ទឹកស៊ីអ៊ីវ២ដប និងទឹកត្រី២ដប ផ្តល់ឱ្យកុមារម្នាក់ ដែលកំពុងស្នាក់នៅក្នុងសង្កាត់បឹងទំពុន២ ខណ្ឌមានជ័យ រាជធានីភ្នំពេញ។ វាពិតជាលំបាកខ្លាំងណាស់សម្រាប់កុមារក្នុងអំឡុងពេល នៃការបិទខ្ទប់នេះក្នុងការទៅដល់នូវសេវានានា ជាពិសេសការបំពេញតម្រូវការមូលដ្ឋាន ជាពិសេសនៅពេលដែលទទួលបានកញ្ចប់អាហាររបស់អង្គការម្លប់ឫស្សី កុមារពិតជាសប្បាយរីករាយណាស់ ដែលកញ្ចប់នេះអាចបំពេញបន្ថែមលើតម្រូវការគាត់ក្នុងគ្រានេះ។

Read More »

ផែនការអនុវត្តសម្មភាពឆ្លើយតបកុមារងគ្រោះ និងងាយរងគ្រោះ កំឡុងពេលការរីករាលដាលជំងឺកូវីដ១៩

ស្ថិតក្នុងស្ថានភាពដ៏លំបាក ក្នុងដំណាក់កាលបិទខ្ទប់ដើម្បីកាត់បន្ថយការរីករាលដាលនៃជំងឺកូវីដ១៩ ក្នុង ប្រទេសកម្ពុជា​ ដែលកាលៈទេសៈនេះបុគ្គលិកមិនអាចចុះធ្វើការបាន ដោយគោរពគោលការណ៍ និងអនុសាសនានា របស់រាជរដ្ឋាភិបាល។​ នៅថ្ងៃព្រហស្បតិ៍ ១១កើត ខែពិសាខ ឆ្នាំឆ្លូវ ត្រីស័ក ពុទ្ធសករាជ ២៥៦៤ ត្រូវនឹងថ្ងៃទី២២ ខែមេសា ឆ្នាំ២០២១ គម្រោងបណ្តាញសុខុមាលភាពកុមារ នៃអង្គការម្លប់ឫស្សី បានសហការជាមួយក្រសួងសង្គមកិច្ច អតីតយុទ្ធ និងយុវនីតិសម្បទា រៀបចំកិច្ចប្រជុំ តាមប្រព័ន្ធ online ជាមួយមន្ត្រីបង្គោលរាជធានីខេត្តទាំង៦ក្នុងគោលបំណង រៀបចំផែនការអនុវត្តសកម្មភាព ប្រើប្រាសវិធីសាស្រ្ត និងបច្ចេកទេសនានា ក្នុងការដោះស្រាយជួយដល់កុមាររងគ្រោះ និងងាយរងគ្រោះ (OVC) ឱ្យបានទាន់ពេលវេលា ដោយមានការគាំទ្របច្ចេកទេស ធនធានថវិកា ធ្វើតាមប្រព័ន្ធ online ជួយដល់អាជ្ញាធរថ្នាក់ខេត្ត និងអាជ្ញាធរមូលដ្ឋាន ដើម្បីផ្តល់សេវាតម្រូវការចាំបាច់ ជួយកុមារ ដែលមានសមាសភាពចូលរួមសរុប ១៣នាក់ ស្រី១នាក់។ ទោះជាសកម្មភាពនេះ កំពុងស្ថិតនៅក្នុងស្ថានភាពរងគ្រោះធ្ងន់ធ្ងរនៃជំងឺកូវីដ១៩ នេះក៏ដោយ ក៏ក្រុមការងារពួកយើងនៅតែអាចបន្តដំណើរការជួយដល់កុមាររងគ្រោះ និងងាយរងគ្រោះទាំងនោះបានដូចក្នុងស្ថានភាពធម្មតាដែរ ដោយការអនុវត្តតាមរយៈប្រព័ន្ធ online មានកិច្ចសហប្រតិបត្តិការជាមួយជាអាជ្ញាធរពាក់ព័ន្ធ និងដៃគូផ្សេងទៀត ដើម្បីផ្តល់នូវឧត្តមប្រយោជន៍របស់កុមារ។

Read More »

បុគ្គលិកម្លប់ឫស្សីទាំងអស់បានចូលរួមរៀន និងប្រជុំពិភាក្សាតាមរយៈវីដេអូ (by online)

អង្គការម្លប់ឫស្សី៖ ថ្ងៃទី៣០-៣១ ខែមីនា ឆ្នាំ២០២១ បុគ្គលិកម្លប់ឫស្សីទាំងអស់បានចូលរួមរៀន និងប្រជុំពិភាក្សាតាមរយៈវីដេអូ (by online) ទៅលើប្រធានបទបួនសំខាន់ៗ មានដូចជា៖ ១- បទបង្ហាញអំពីលទ្ធផលនៃការឆ្លុះបញ្ចាំងជាមួយក្រុមគោលដៅរបស់MRO ២- ការងារបុគ្គលិកក្នុងកំឡុងពេល ជំងឺកូវីដរាតត្បាត (COVID-19 and challenges of staff working from home) ៣- វេទិការបុគ្គលិក (Staff Learning Forum) ៤- ពិនិត្យឡើងវិញ អំពីគោលនយោបាយនានា របស់អង្គការម្លប់ឫស្សី (Review MRO Policies) នៅក្នុងស្ថានភាពជំងឺកូវីដរាតត្បាត បុគ្គលិកអង្គការម្លប់ឫស្សីទាំងអស់ បានផ្លាស់ប្តូរមធ្យោបាយក្នុងការបំពេញការងារ (ជំនួសដោយធ្វើការតាម Online) ។ MROប្រកាន់ខ្ជាប់នូវការទទួលខុសត្រូវតាមតួនាទីរៀងខ្លួនៗ  រួមទាំងការប្តេជ្ញាចិត្តគោរពតាមសេចក្តីប្រកាសរបស់ក្រសួងសុខាភិបាល “បីការពារ បីកុំ” និងអនុវត្តន៍ស្របតាមច្បាប់នានារបស់រដ្ឋាភិបាលបាន១០០% ។

Read More »

កិច្ចអន្តរាគមន៍ជួយសង្គ្រោះ និងទប់ស្កាត់រក្សាកុមារក្នុងគ្រួសារ

នៅថ្ងៃទី៥ ខែកុម្ភៈ ឆ្នាំ២០២១ អង្គការម្លប់ឫស្សីទទួលបានព័ត៌មានករណី២ ផ្សេងពីគ្នា​ និងបានសហការជាមួយមន្ត្រីការិយាល័យសុខុមាលភាពកុមារ នៃមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តកំពង់ឆ្នាំង ជាមួយអាជ្ញាធរមូលដ្ឋាន បានចុះអន្តរាគមន៍ជួយដល់កុមាររងគ្រោះ និងងាយរងគ្រោះ​ ដោយធ្វើការប៉ាន់ប្រមាណបឋម ដើម្បីរកកន្លែងសុវត្ថិភាព និងថែទាំបណ្តោះអាសន្ន។ ករណីទី១៖ មានកុមារចំនួន ៣​នាក់ ប្រុស​ម្នាក់ ស្ថិតនៅក្នុងក្នុងគ្រួសារក្រលំបាក នៅថ្ងៃទី២៧  ខែមករា ឆ្នាំ២០២១   ម្តាយកុមារ បានស្លាប់ដោយអំពើរឃាតកម្ម ជនសង្ស័យបានរត់គេចខ្លួន នៅភូមិ ស្រែអ៊ុក ឃុំតាំងក្រសាំង ស្រុកទឹកផុស ខេត្តកំពង់ឆ្នាំង សមត្ថកិច្ចកំពុងតាមរកចាប់ជនសង្ស័យ យកមកផ្តន្ទាទោសតាមច្បាប់។​  កុមារកំព្រាទាំង ៣នាក់បងប្អូន មិនមានអ្នកថែទាំ​ឡើយ ម្យ៉ាង​ទៀត ដោយសារឪពុកបានចំណាកស្រុក មិនដែលបានមកមើលថែកូន និងគ្រួសារ គឺមានតែជីដូន និងជីតាក្រីក្រមានជីវភាពខ្វះខាត ប្រកបមុខរបរជាកម្មករស៊ីឈ្នួលដកដំឡូង និងធ្វើស្មៅចម្ការឱ្យគេ។ ក្រោយពីកើតហេតុ មានអង្គការមួយបានស្នើឱ្យជីដូនយកកុមារទាំងនោះ ដាក់ក្នុងមណ្ឌលថែទាំ  តែកុមារមិនយល់ព្រមក្នុងការទៅរស់នៅមណ្ឌលទេ ក្រៅតែពីចង់នៅជាមួយជីដូន និងជីតាពួកគេ។ ក្រុមការងារបានធ្វើការប៉ាន់ប្រមាណ សម្រេចទុកដាក់ ប្រគល់កុមារឱ្យជីដូនមើលថែទាំបណ្តោះអាសន្ន និងរៀបចំផែនការបន្តជាមួយអ្នកពាក់ព័ន្ធ ដើម្បីជួយផ្តល់សេវាបន្តគាំទ្រកុមារ និងគ្រួសារ ឱ្យមានការថែទាំប្រសើរឡើង តាមរយៈការថែទាំដោយសាច់ញាតិរស់នៅជួបជុំគ្នាក្នុងសហគមន៍  ។ ករណីទី២​៖ …

Read More »